Tuesday, February 5, 2013

Six Flags New England - V


ကြိုးကိုင်ပီး ရေပေါ်မှာ ရှိတဲ့ အရုပ်ဖော့ပြားတွေကို နင်းပီး တဖက်ကမ်းကို ကူးရတဲ့ ကစားနည်း


သမီး အလှည့် မရောက်ခင် တခြား ကလေးတွေက တဖက်ကမ်းကို မရောက်သေးပဲ ရေထဲ တဘုံးဘုံးနဲ့ ပြုတ်ကျနေသလို -
တချို့ကတော့လည်း Easy ကို ဖြစ်နေတာပဲ။
ဒါနဲ့ ကိုယ့် အဲဒီ Easy ကစားနေတဲ့ ကလေးတွေကို သေချာ ကြည့်လိုက်ပီး -
တန်းစီနေတဲ့ သမီးကို ကစားပုံ ကစားနည်း ပြောပြလိုက်တယ် ။
ဒီ ကစားနည်းက သမီးအတွက် ပထမဦးဆုံး အကြိမ် ကစားနည်း ဖြစ်ပါတယ်။


ဟိုဘက်က ကလေးကတော့ ရေထဲမှာ တိုင်ပတ်နေပါတယ်။ သူထပ်ကူးမယ့် ဖော့ပြားက အဝေးကြီးဆိုတော့ သူလည်း ပုံမှန်ဆို ခြေ ဘယ်လှမ်းနိုင်ပါ့မလဲး။


အပေါ်က ကြိုးတန်းကို သေသေချာချာ လက်နဲ့ မြဲမြဲကိုင်ထား ...


ကြိုးတန်းကို ကိုင်ထားရင်နဲ့ ခြေထောက်က အောက်မှာ နင်းထားတဲ့ အရုပ် ဖော့ပြားကို နောက်တလှမ်းကူးမယ့် အရုပ်ဖော့ပြားနားဆီ ရောက်အောင် ခြေထောက်နဲ့ တွန်းရွှေ့သွား ( ကြိုးကို ခိုပီး ခြေနင်းပြားကို ရွှေ့သွားတဲ့ ပုံစံမျိုး )


အဲဒါဆို ဖော့ပြား တခု နဲ့ တခုက ဆက်နေပီး ခြေလှမ်း လှမ်းရတာ ပိုအဆင်ပြေတယ်။ အလှမ်းကျယ် ခြေလှမ်းစရာ မလိုတော့ ရေထဲ ပြုပ်မကျနိုင်တော့ဘူးပေါ့။
ဒီလိုမျိုး အရှည်ဖော့ပြားကျတော့ အပေါ်က ကြိုးကို ကိုင်ပီး လမ်းလျှောက်ရုံပါပဲ။
( အောက်ခြေခိုင်မှ အပေါ်က ကြိုးတန်းကို ကိုင်ထားတဲ့ လက်လွတ်ပါ။ )


ရေဘ၀ဲ ဖော့ပြား နှင့် လိပ်ဖော့ပြားက နည်းနည်းလေးပဲ အလှမ်းကွာတယ် ဆိုရပေမယ့် လိပ်ရဲ့ လက်တွေလေ .. အလှမ်းမတော်ရင် ရေထဲ ကျနိုင်တာမို့ သမီးက လိပ်နားထိ ကပ်ပီး ရေဘ၀ဲကို ရွှေ့ပါတယ်။


တခု နဲ့ တခု ထိပီ ဆိုမှ မိမိရရ ခြေလှမ်း လှမ်းပီး - အပေါ်မှာ ကိုင်ထားတဲ့ လက်ကို လွှတ်တယ်။


ငါးဖော့ပြားက နည်းနည်းဝေးနေလို့ ခြေထောက်နဲ့ လိပ်ဖော့ပြားကို တွန်းရွှေ့သွားတယ်။


ကပ်ပီဆို ခြေလှမ်း လှမ်းတယ်။ အောက်ခြေခိုင်ပီဆိုမှ အပေါ်ကို ကိုင်ထားတာ လွတ်ပါတယ်။
အောက်ခြေက ကောင်တွေက ရေထဲမှာ လိုသလို နေရာရွှေ့လို့ ရနေတော့ ငါးကို အနောက်ဆုပ်ခိုင်းလို့တောင် ရပါတယ်။

ငါးကို ရေသရဲ နားထိ ကပ်သွားတယ်။

ရေသရဲကိုလည်း တဖက်ကမ်းအထိ ထိကပ်နေအောင်ရွှေ့တယ်။ ရေထဲ -  နိမ့်တဲ့ နေရာကနေ အမြင့် ကုန်းပေါ် တက်ရမှာ ဆိုတော့ သိပ် အလှမ်းကွာရင် ရေထဲ ပြုပ်ကျနိုင်တယ်လေ။


နီးကပ်ပီဆိုမှ ကမ်းပေါ်တက်ပါတယ်။


ဒါ .. သမီးလေးအတွက် ပထမဦးဆုံး ကစားတဲ့ ကစားနည်းပါ။ ကစားနည်း အထာ သိတော့ တကယ့်ကို Easy ပါပဲ။
အထာ မသိရင် ... Easy .. မ Easy က ခန်းမှန်းကြည့်လို့ရမှာပါ။
ကိုယ်တော့ မျက်မြင်ကိုယ်တွေ့ .. ရေထဲကို တဘုံးဘုံးနဲ့ ကျတဲ့ ကလေးတွေမှ အများကြီးပဲ။

( To Be Continued ... )

0 comments :