Monday, October 24, 2011

Junction Zawana - 2009



ကိတ်မုန့်ဈေးပွဲတော် အခင်းအကျင်းပုံစံ

Shopping Mall မှာ ၀ါကျွတ်မုန့်ဈေးပွဲတော် ကျင်းပနေတုန်းကပါ။ City Mart က ဖွင့်ထားတဲ့ Season & Bakery ကိတ်မုန့်ဆိုင် ရှိပေမယ့် ဇ၀န Shopping Mall က ရာသီအလိုက် ဈေးရောင်းပွဲတော် ကျင်းပတတ်ပါတယ်။ Moon & Bakery နဲ့ Parison ကိတ်မုန့်ဆိုင်တွေ။ ၂ ဆိုင်စလုံးက ကိုရီးယား မုန့်လုပ်နည်းပညာနဲ့ လုပ်ထားတဲ့ ကိတ်မုန့်တွေ။ Black Forest ကိတ်မုန့်ဆို ၁ စိတ်ကို ၈၀၀ ကျပ် Bear cookie တစ်ခုကို ၆၀၀ ကျပ် Pig head cookie နဲ့ ဈေးနှုံး တူတူပဲ။ စားလို့ ကောင်းတယ်။ Season လည်း ကောင်းပါတယ်။



Bear Cookie & Pig Head Cookie



သားသားက သွားလေရာ မျက်နှာပွင့်တယ်။




သမီးက City Mart ဈေးဝယ်အိတ် ကို ၀ိုင်းပီး ကူသယ်ပေးပါတယ်။ စင်ကာပူက Fare Price သွားရင် ဈေးဝယ်တွန်းလှည်း ရန်ကုန်ကို သယ်လာပါသေးတယ်။ အဲဒီလှည်းနဲ့ ဈေးသွားဝယ်ရင် လူတွေ တော်တော် သဘောကျပါတယ်။ ဘယ်မှာဝယ်တာလဲး အမြဲမေးခံရတယ်။ shopping mall တွေမှာလည်း လှည်းလေးတွေ ရှိပါတယ်။ Ocean နဲ့ Orange တို့မှာဆို ကားမောင်းတဲ့ ဈေးဝယ်လှည်းတွေရှိတယ်။ city mart မှာ ၀ယ်တာခြမ်းတာ များသွားတဲ့နေ့ ... ဈေးဝယ်ပီး အပြန်ကျရင်လည်း city mart's staff တွေက လိုက်ပို့ပေးသေးတယ်။ စီးတီးမတ်ဆိုရင် အိမ်အောက်ထိကို ဈေးဝယ်အိတ်တွေကို လိုက်ပို့ပေးတယ်။ ဒါကြောင့် အိမ်က ဈေးဝယ်တွန်းလှည်းက သိပ်မသုံးဖြစ်ဘူး။ အိမ်မှာပဲ မီးပူတိုက်ဖို့ အ၀တ်ခြောက်တွေ ထည့်တဲ့ အ၀တ်လှည်းဖြစ်သွားတယ်။



သမီးက ကိတ်မုန့် ကိုယ်တိုင် လုပ်ချင်တာလေ။ နိုင်ငံခြားက ကျောင်းတွေမှာတော့ ကျောင်းသင်ခန်းစာမှာ ချက်နည်းပါတယ် ပြောတယ်။ မုန့်လုပ်နည်းကော ပါလား မသိဘူး။ ဒီမှာတော့ ကိတ်မုန့်လုပ်နည်း သင်တာ လူကြီးတွေဆိုတော့ ကလေး တက်မယ်ဆို အဆင်ပြေမယ် မထင်ဘူး။ နွေကျမှပဲ စုံစမ်း ကြည့်ရပါအုံးမယ်။ ကောင်းတဲ့ အမူအကျင့်လေးတွေဆိုရင် အားပေးတယ်။ ပံ့ပိုးပေးတယ်။ လုပ်ချင် ကိုင်ချင်စိတ် ရှိတုန်း ပေးမလုပ်ထားရင် ကြီးလာတဲ့အခါ မလုပ်ချင်တော့မှာ စိုးလို့ပါ။ ကလေးတစ်ယောက်ရဲ့ ခံယူချက် အသိ က လူကြီးတွေထက်ပိုခိုင်မာပါတယ်။ ငယ်ငယ်လေးကတည်းက အတတ်နိုင်ဆုံးလေး အမူအကျင့်ကောင်းလေးတွေကို ညွှန်ပြပေးထားလိုက်တာ။ အခုဆို ထမင်းကို rice cooker နဲ့ ချက်တတ်နေပါပီ။ ဆန်ဆိုလည်း သေချာ ဆေးတတ်နေပီ။ ရေထည့်တာလည်း သေသေချာချာ မှန်အောင် ထည့်တတ်တယ်။ မီးခလုတ်တွေက စိတ်ချရပါတယ်။ သမီးကို ခိုင်းတာ မဟုတ်ပါဘူး။ မလုပ်တတ် မကိုင်တတ်ရင် သူများ ခိုင်းတာ ခံနေရမှာစိုးတာရယ်။ ဂိမ်းတွေနဲ့ အချိန်ကုန်နေမှာစိုးတာကြောင့်ပါ။ သမီး ရဲ့ တချို့ သူငယ်ချင်းတွေဆို မိဘ စီးပွားရေးမှာတောင် ဆိုင် ကူစောင့်ပေးပီး တော်တော် အားကိုးနေရပါပီ။ အဲဒါ ၇ နှစ် ကလေးတွေပါ။ အဲဒီ ကလေး အမေ ဆိုရင် ဈေးရောင်းတဲ့ စာရင်းတောင် သူ့ သမီးလေးကို တွက်ခိုင်းတာ။ တကယ့် လက်တွေ့ဆိုတော့ ပိုပီး စိတ်ဝင်စားတာပေါ့။



Shopping Mall အပေါ်ထပ်က အ၀တ်အထည်ဆိုင်ရှေ့မှာ အလှဆင်ထားတဲ့ မီးပုံးလေးတွေ



ဖယောင်းတိုင် ကြာဖူး မီးအလှဆင်ထားတာနဲ့ သမီးလေး Angel

တခါစီး ၂၀၀ ကျပ်

0 comments :